Soldagen, Polarnatt, Nattsol av Sunniva Relling Berg

Ikkje alle trilogiar er Ringdrotten. Dei tre bøkene her til dømes har kanskje færre ord enn fyrste kapittel i den boka. Men av og til er få ord nok.

Det er ei historie, fortald i tre bøker, om Maja og Ilias og Nord-Norge. Den fyrste soldagen, under mørketida og under midnattssola. Dei to har heller ikkje så mange ord. Ilias for han er åleine i et framand land med litlesyster Amira. Maja, for hun er meir handling enn ord. Når det er vanskeleg å få fram det ein føler og tenkjer er det lettare å berre stikke av.

I del ein, «Soldagen», kjem Maja nordover, til tanta. Ho tykkjer der er lettast å stikke når ting går galt, og nå har det gå galt, igjen. Tante veit ikkje at ho kjem, men det går sikkert bra, eller?

Natta er alltid svartast rett før morgonen, og det blir ganske mørkt dette. Maja roter seg borti feil folk, og Ilias er allereie i trøbbel. Dette skal være den første soldagen etter en lang vinter, men kjem sola? Og går det bra?

I del to, «Polarnatt», flyktar Ilias frå flyktningmottaket med systera på ryggen. Det er iskaldt og mørkt, og han ser inga veg ut. Han treng pengar, han treng hjelp, men han kjenner ingen her.  Ei spanande natt gjev oss bakgrunnen til den fyrste boka.

I del tre, «Nattsol» er det sommar. Maja og Ilias møtes igjen, ein hyttetur går veldig galt. Det vert ein heseblesande slutt på deira historie saman.

Den seier mye denne fortellinga, sjølv om det er få ord, sjølv om det er få sider. Om kulde, om menneskjer som ikkje er heilt A4, om feil val, og mogligheiten til å retta dei opp. Alle bøkene har mange flotte illustrasjonar, få, korte setningar og mykje luft. Når historia og er så spanande har du ei nynorskbok på sitt aller beste!

Samlaget ga ut desse tre titlane. «Soldagen» og «Polarnatt» fins både som ebok og lydbok på Biblio, «Nattsol» berre som ebok.

Bjørn Veen

Gjesdal folkebibliotek