Keisar Augustus av Peter F. Strassegger

Dette er tredje historia frå ei lita bygd på Sør-Vestlandet (Det er Bryne). Ei bygd som slit med sine unge, både rusbruk og valdshendelser. Ei bygd som ikkje snakker om vonde ting i fortida. Men fortida kjem alltid attende.

August er ny , men namnet hans høyrer til her. Mora vaks opp før ho vert teken av utferdstrong. Men no er alle andre bruer brent, og dei to søker heim. Dei har litt av kvart med seg i bagasjen, både i koffertane og det som dei bær inni seg.

I bygda treff han fleire skakke sjeler, både ungdom o
g vaksne. Her er Per med sine problem frå «Kvil i fred», Aman som Alexander frå «Aleksander den store» traff då han og kom hit som ny. Og no kjem ein til ny framand ungdom med ei broket fortid til bygda. August ser på folk som spelbrikker, han veit verdien av løyndommar, og kor farlege dei er, for han bær sjølve på fleire. Det er duka for ein ny runde med rus, vald og utanforskap. Kor gale går et denne gong?

Det er lågmælt og realistisk om ganske store ting. Det blir fortalt, ikkje forklart. Det er kanskje slik, at dei som veit, dei veit. Dei som har kjend på rusen si makt eller på dei store kreftene i kroppen når makt vert brukt, dei treng kanskje ikkje ei skildring. Men eg tykkjer det blir skrint, skrint med forklaringar, med namn, med skildringar. Det er eit bart litterært landskap dette. Men temaet er høgaktuelt og godt lagt fram.

Kva seier så dei unge? På denboka.no kan ein lesa ungdommen sine eigne tanker om boktitlar, dette seier dei om denne: Keisar Augustus | Foreningen les

Du kan, men må ikkje, lese dei to fyrste bøkene, dette var mine tankar om dei:
Kvil i fred: https://ungdomsboka.blogspot.com/2023/04/kvil-i-fred-av-peter-f-strassegger.html
Aleksander den store: https://ungdomsboka.blogspot.com/2020/11/aleksander-den-store-av-peter-f.html
 
Boka er på 143 sider. I Bookbites kan du låne ho som lydbok eller ebok
 
Bjørn Veen
Gjesdal folkebibliotek